السلام عليكم و رحمة الله و بركاته
:
اليوم جايبة لكم طريقة صينية رز بالدجاج
بصراحة شي يجـــــــــــنن
مرة روعـــة و سهل و بسرعة يصير
يعني لمن يكون مالك خلق تطبخي كثير هع هع
بلا نبدأ
:
المقادير ( يكفي لـ شخصين أو 3 أشخاص ) :
نص دجاج أو دجاج فيلية
كاسة و نص رز
فلفل رومــي
نص بصلة
ملعقتين جبن سائل
نص علبة قشطة
ملح ، بهارات
:
الطريقة :
اذا استخدمتي دجاج لازم تسلقيه في موية و عليه شوية كمون
لكن اذا استخدمتي فيليه دجاج ما يحتاج
نحمس البصل في قليل من الزيت
و نضع عليها البهارات ( انا استخدمت فلفل اسود و كمون و زنجبيل و كركم )
و بعدين تحطي عليها الدجاج و هو مقطع شرائح
سواء كان الدجاج المسلوق أو الفيليه
و تخليه لمن ينضج و بعدين تضيفي الملح
و بعدين تحطي عليه الفلفل الرومي و هو مفطع شرائح
و تتركيه على النار مع تقليبه
و في الوقت هذا تسلقي الرز في موية الدجاج
او في موية و تحطي عليها ملح و زيت ( و انا اضفت عليه حبات هيل و قرفة )
و بعدين في الخلاط تخلطي ملعقتين جبن سائل و نص علبة قشطة
و تحطيها على الدجاج و تقلبيه شوية و هو على النار و بعدين خلاص شيليه من على النار
بعد ما ينسلق الرز
تحطيه في صينية و تحطي فوقه الدجاج و تدخليه في الفرن
و يكون النار من تحت بس لمدة ربع ساعة تقريبا
و بالعافية عليكم
الأحد أبريل 03, 2011 10:49 pm